ओलीया धापूयात दाहालया खण्डन

येँ -माओवादी केन्द्रया अध्यक्ष पुष्पकमल दाहालं थःगु कारणं नेकपाया एकता भंग जुल धकाः प्रधानमन्त्री केपी ओलीं बियादीगु द्वपंया खण्डन यानादीगु दु । म्हिगः छगू ट्वीट यासें वय्कलं प्रम ओलीया धापू भ्रामक व षडयन्त्रपूर्ण समेत जूगु खँ धयादीगु खः । ‘प्रधानमन्त्री केपी शर्मा ओलीं प्रचण्डया कारणं एकताया कुतः सफल मजुल धकाः धाःगु धापू झूठ, भ्रामक व षडयन्त्रपूर्ण जू, अज्याःगु अभिव्यक्तिया घोर निन्दा व भत्र्सना यानाच्वना’ वय्कलं च्वयादीगु दु ।

प्रम ओली म्हीग पार्टी एकताया निंतिं सार्वजनिक आह्वान यासें दाहालया कारणं नेकपाया एकताया कुतः सफल मजुल धयादीगु खः ।

ओलीया सार्वजनिक आह्वानय् धयातःगु दु, ‘पार्टीया न्हापांम्ह अध्यक्ष जूगु नातां थम्हं कुतः यानागु खः, तर पुष्पकमल दाहालया अनिच्छाया कारणं जिगु कुतः सफल जुइ मफुत, वयां लिपा जक जिपिं एकीकरणया पक्षधरतय्गु मंकाः पार्टी, एकताया बिरासत ज्वनाच्वंगु पार्टीया रुपय् नेकपा (एमाले) यात न्हूगु स्वरुप व न्हूगु गतिं न्ह्याकेगु निष्कर्षय् थ्यंगु खः ।’

सम्बन्धित बुखँ

LEAVE YOUR COMMENTS