याताजःया बाखं मुँज्या

ख्वप – ख्वपया साहित्यिक संस्था ‘याताजः’ ग्वसालय् थ्व हे वंगु शुक्रवाः चिबाखं मुँज्या जुल । संस्थाया संस्थापक दुजः साहित्यकार सौरभ शाक्यया सभापतित्वय् जूगु ज्याझ्वलय् वरिष्ठ साहित्यकार डा. योगेन्द्र प्रधान मूपाहांकथं झायादीगु खः । येँ, यल, ख्वप, किपू लगायतया श्रष्टां थःथःगु बाखं ब्वनाः न्यंकादीगु खः ।

बाखं मुँज्याय् स्नेह साय्मि, शरद कसाः, पुष्कर माथेमा, शशिकला मानन्धर, महेशमान डंगोल लँजुवाः, गोविन्दमान श्रेष्ठ माणिक उराय, नरेश अमात्य, विमलप्रभा वज्राचार्य, पशुपतिमान प्रधान, राज साय्मि, ध्रुव मधिकःमि, बद्री वेदना, महेन्द्रगोपाल कर्माचार्य, न्हुछेभक्त कवां, राजुराम मुनंकःमि, तेजकृष्ण श्रेष्ठ, ज्ञानीराजा मानन्धर, सुनिल वज्राचार्य, दिलकुमारी डंगोल, विजयरत्न असंबरें बाखं ब्वनाः न्यंकादीगु खः ।

मुँज्याय् ब्वंगु बाखंयात कयाः साहित्यकार डा. पुष्पराज राजकर्णिकारं टिप्पणी यानादीगु खः । ज्याझ्वलय् संस्थाया श्याम आशां लसकुस यानादीगु खःसा न्हुछेभक्त कवां सुभाय् देछानादीगु खः ।

सम्बन्धित बुखँ

LEAVE YOUR COMMENTS