अक्सिजन प्लान्टया निंतिं नगरवासीयाके ग्वाहालि

ख्वप- ख्वप नगरपालिकां अक्सिजन प्लान्ट तयेत स्थानीय नगरवासीयाके ग्वाहालि फ्वंगु दु । ख्वप नगरपालिकापाखें संचालन जुयाच्वंगु ख्वप अस्पतालय् अक्सिजन प्लान्ट तयेगु व मेमेगु अत्यावश्यकीय स्वास्थ्य सामग्री न्यायेत ख्वप नगरवासीयाके ग्वाहालि कयाच्वंगु खः ।

नगरपालिकापाखें संचालन जुयाच्वंगु ख्वप अस्पतालयात सघीय सरकारपाखें ग्वाहालि ग्वाहालि बी धाःसां नं मबिउगु धासें ख्वप नपां उकथं नगरवासीयाके अक्सिजन प्लान्ट व स्वास्थ्य सामग्रीया निंतिं ग्वाहालि फ्वंगु खः ।

ख्वप अस्पतालय् छखे अक्सिजनया गाक्कं अभाव जूगु मेखे संघीय सरकारं क्वःछिउकथंया अक्सिजन तकं काये मखंगुलिं नगरपालिका थःपिंसं हे अक्सिजन प्लान्ट तयेगु योजनाकथं नगरवासीयाके ग्वाहालि मुंकेकथं अभियान न्ह्याकूगु खः ।

ख्वप नगरपालिकाया प्रमुख सुनील प्रजापतियाकथं केन्द्र सरकारं अस्पतालयात न्हिं ८० गः सिलिन्डर बीगु धाःसां नं प्राप्त मजूगु वीमा संस्थानं कोरोना संक्रमितया उपचारया निंतिं बीमाःगु न्यागू करोड न्यय्गू लाख तका दां नं वःगु मदुनि ।

केन्द्र सरकारं ग्वाहालि बी धाःसां नं मबिउगुलिं विकास निर्माणया बजेट क्वपालाः व मगाःगु ध्यबाया निंतिं नगरवासीयाके ग्वाहालि फ्वनेगु बाहेकं मेगु विकल्प मदुगु नगरप्रमुख प्रजापतिं जानकारी बियादिल ।

वंगु जेठ ४ गते नगरपालिकां भर्चुअल माध्यमं ग्वाहालि फ्वनेगु ज्या न्ह्याकूगु खःसा करिब बाःछिया दुने स्वंगू करोडं स्वयां अप्वः दां मुनेधुंकूगु नगरपालिकां न्ह्यथंगु दु ।

सम्बन्धित बुखँ

LEAVE YOUR COMMENTS