जितः चीकाः क्यँ – ओली

येँ- प्रधानमन्त्री केपी ओली अविश्वासया प्रस्ताव तयाः थःत संसदं चीकेत हाथ्या बियादीगु दु । थःगु निर्वाचन क्षेत्र झापाया चाइना नेपाल फ्रेन्डसीप इन्डस्ट्रियल पार्कया उलेज्या यासें प्रम ओलीं संसद पुनस्र्थापना चिन्ताया विषय मखु धयादीगु खः ।

ज्याझ्वलय् न्ववासें प्रम ओलीं देशया विकास पनेगु नितिं थःत चीकेत्यंगु दावी नं यानादीगु दु । तर प्रचण्ड–नेपालयात कांग्रेसया सभापति शेरबहादुर देउवां विश्वास मयाःगु व बिचाः याये धकाः धयाछ्वःगु खँ नं वय्कलं धयादीगु दु । उकथं हे वय्कलं जनता समाजवादी पार्टीया नेतात लिसे सहलह यायेगु झ्वलय् प्रचण्ड–नेपाल पुचःयात छिकपिनिगु गुगु पार्टी खः धकाः न्ह्यसः न्यनेवं झसंग जूगु टिप्पणी नं यानादीगु दु ।

आः वयाः नेकपाया निम्ह नेतातय्सं राजीनामा बिउ धकाः थःके ल्हाः फयाच्वंगु धासें धयादी, ‘छिकपिंसं मुद्दा ल्वानाः (संसद) हयादीगु दु, केपी ओलीयात चीकाः क्यँ, अविश्वासया प्रस्ताव तयादिसँ, पास यानादिसँ ।’

वय्कलं धयादिल, ‘न्हापा नं अविश्वास प्रस्ताव तयाः जितः प्रमपाखें चीकूगु खः, जिं जनतां विश्वास यानाः लिहां वयाम्ह खः, आः हाकनं चीकल धाःसा जनतापाखें निगू तिहाइ कया वयेगु जुइ ।’

सम्बन्धित बुखँ

LEAVE YOUR COMMENTS