
एजेन्सी – बेलायतय् कोरोना भाइरसया हाकनं मेगु छगू ताजि (भेरियन्ट) लूगु दु । थ्व ताजि छुं न्हि न्ह्यव लूगु न्हूगु ताजिया स्वयां नं झन खतरनाक जूगु खँ धाःगु दु। बेलायतया स्वास्थ्य मन्त्री म्याट हेनककं बुधवाः थ्व न्हूगु ताजिया निगू मामिला खनेदुगु जानकारी बियादीगु दु ।
कोरोनाया थ्व न्हूगु ताजि दकलय् न्हापां दक्षिण अफ्रिकाय् खनेदुगु खः । बेलायतय् गुपिं निम्हेसिके थ्व न्हूगु ताजिया भाइरस खनेदुगु खः, उपिं निम्हं छुं ई न्ह्यव जक दक्षिण अफ्रिकां लिहां वःपिं खः । स्वास्थ्य मन्त्री हेनकनं दक्षिण अफ्रिकाय् दकलय् न्हापां खनेदुगु थ्व ताजि बेलायतय् लूगु न्हूगु ताजि स्वयां याकनं न्यनावनीगु खतरा दुगु व अप्वः ‘म्यूटेटेड’ जूगु खँ धयादीगु दु । वय्कलं थ्व न्हूगु ताजि खनेदगु तसकं चिन्ताजनक धयादीगु दु ।
बेलायतं आःयात दक्षिण अफ्रिका यात्राया निंतिं प्रतिबन्ध तयाबिउगु दु। थुकिया लिसें झिंन्यान्हु न्ह्यवनिसें दक्षिण अफ्रिकां लिहां वःपिं सकसितं तुरुन्त क्वारेन्टाइनय् च्वनेत आदेश बिउगु दु । कोरोना भाइरसया थ्व ताजि दक्षिण अफ्रिकाय् नं तसकं गम्भीर चिन्ताया विषय जूगु दु । दक्षिण अफ्रिकाया स्वास्थ्य मन्त्री ज्वेली मिखाइजं थ्व भाइरस संक्रमण जूपिं ल्यायम्हपिं व स्वस्थ मनूत नं तसकं विरामी जूगु दु । दक्षिण अफ्रिकाया वैज्ञानिकतय्सं नं थ्व न्हूगु ताजि तसकं तच्वयेक न्यना वनाच्वंगु व देय्या यक्व थासय् थ्यनेधुंकूगु खँ धाःगु दु ।
थ्व भाइरसयात कयाः आः अनुसन्धान जुयाच्वंगु दु । आःतक सीदुगु अध्ययन कथं थ्व भाइरस तसकं याकनं न्यना वनीगु धयागु जक सीदुगु दु । दक्षिण अफ्रिकाय् लूगु थ्व न्हूगु ताजिया भाइरस व बेलायतय् लूगु न्हूगु ताजिया भाइरस निगुलिं उथें उथें खनेदुसां थ्व निगुलिं अलग अलग हे विकसित जूगु खनेदु । निगुलिं भाइरसयात ल्छण्ज्ञथ् नां बिउगु दु । थ्व भाइरसं शरीरया कोषिकातय्त याकनं प्रभावित याइगु खँ धाःगु दु ।
LEAVE YOUR COMMENTS