च्यादँ न्ह्यःया ट्विटया कारणं माफी फ्वनमाल

एजेन्सी- इंग्ल्यान्डया क्रिकेटर ओली रबिन्सनं थःगु न्हापांगु टेस्ट कासा म्हितूगु इलय् हे थःम्हं च्यादँ न्ह्यः याःगु छगू ट्विटया कारणं माफी फ्वनेमाःगु दु । रबिन्सनं म्हिगः थःगु न्हापांगु टेस्ट म्याच म्हितुसें न्हापांगु न्हि कुन्हु हे निगू विकेट काःगु खः । तर वयागु चर्चा वयागु कासायात कयाः स्वयां नं सन् २०१२ व२०१३ य् याःगु ट्विटया कारणं जुल ।

२७ दँया रबिन्सनं उबलय् याःगु ट्विट वयागु न्हापांगु टेस्ट म्याच सुरु ज ूकुन्हु हे सोसल भिडियाय् भाइरल जूगु खः । थ्व ट्विट भाइरल जुइवं रबिन्सनं कासा क्वचायेवं छगू वक्तव्य ब्वँसें माफी फ्वंगु खः । रबिन्सनं धागु दु, ‘च्यादँ न्ह्यः जिं नस्लवादी व यौनजनिक ट्विट यानागु खः, थुकिया निंतिं जि आः नं लज्या चाः । थ्व ट्विटस आः हाकनं भाइरल जूगु दु, निश्चित रुपं थुकिं जिं शिक्षा कयागु दु । च्यादँ न्ह्यःया थ्व ट्विटं जि कासामि पासापिं लिसें थुकीं नुगलय् स्याकेमाःपिं सकसिकें बिर्ना शर्त माफी फ्वनाच्वना ।’

सम्बन्धित बुखँ

LEAVE YOUR COMMENTS