स्मिथं क्यारेबियन लिग म्हितीगु

येँ – अस्ट्रेलियाया पुलांम्ह कप्तान स्टिभ स्मिथ अगस्तय् जुइगु क्यारिबियन प्रिमियर लिग म्हितीगु जूगु दु । २९ दँ या ब्याट्सम्यान स्टिभं वंगु मार्चय् दक्षिण अफ्रिका नाप जूगु कासाय् बल टेम्परिङ याःगुलिं वयात अन्तर्राष्ट्रिय कासा म्हितेत दछिया प्रतिबन्ध तयातःगु खः ।

बाखोड्स ट्रिडेन्स पाखें लिग म्हितेत्यंम्ह स्मिथं अस्ट्रेलिया तःगु प्रतिबन्ध लिपा क्यानाडाय् टि २० लिग म्हितेधुंकूगु दु । आः स्मिथं बंगलादेशया कासामि सकिभ अल हसनया थासय् म्हितेत्यंगु खः । अस्ट्रेलिया क्रिकेटं प्रतिबन्ध तयातःसां स्मिथ अझ नं नम्बर १ टेस्ट ब्याट्सम्यान खः । अथहे टि २० इ नं १५५ गू कासा म्हिताः स्मिथं ३१२४ रन दयेकातःगु दु ।