महान फुटबल कासामि म्यारोडोना मन्त

एजेन्सी- अर्जेन्टिनाया महान फुटबल कासामि डिएगो म्याराडोना मन्त । ६० दँया म्याराडोना हर्ट एटेक जुयाः छुं ई न्ह्यव जक थःगु छेँय् हे मदुगु खः । थ्व हे नोवेम्भरया सुरुपाखे म्याराडोनाया न्ह्यपु थाःगु ब्लड क्लट लिकायेगु निंतिं सफल अप्रेशन जूगु खःसा थ्व लिपा छेँय् हे आराम यानाच्वंगु खः ।

सन् १९८६ य् विश्वकप त्याकूगु अर्जेन्टिनी टिमया कप्तान म्याराडोना विश्वया उत्कृष्ट कासामि मध्ये पेले धुंकाः लाःम्ह खः । म्याराडोना थःगु जमानाय् स्पेनिस क्लब बार्सिलोना व इटलीया नेपोली क्लबं म्हितूम्ह खः । वय्कः अर्जेन्टिनाया राष्ट्रिय टिमया प्रशिक्षक नं जुयादीम्ह खः ।