राष्ट्रपति व प्रधानमन्त्री विरुद्ध न्यागू दलया आन्दोलन

येँ – न्यागू राजनीतिक दल दुथ्याःगु विपक्षी गठबन्धनं राष्ट्रपति विद्यादेवी भण्डारी व प्रधानमन्त्री केपी शर्मा ओलीया असंवैधानिक पलाः विरुद्ध आः कानुनी लडाइँया नापनापं राजनैतिक रुपं नं प्रतिवाद यायेगु निर्णय याःगु दु । न्यागुलिं राजनीतिक पार्टीं म्हिगः छगू मंकाः विज्ञप्ति पिकासें थ्व खँ धाःगु खः ।

म्हिगः नेपाली कांग्रेसया सभापति शेरबहादुर देउवाया छेँय् च्वंगु बैठकं कोरोना महामारीपाखें सुरक्षित जुसें राजनीतिक तहपाखें असंवैधानिक पलाःया विरोध यायेगु निर्णय याःगु दु । बैठकय् वैधता मदयेधुंकूम्ह कामचलाउ सरकारं पूर्ण आकारया बजेट हःगु खँयात नं विरोध प्वंकूगु दु ।
म्हिगःया बैठकय् माओवादी केन्द्रया अध्यक्ष पुष्पकमल दाहाल, एमालेया नेता माधवकुमार नेपाल, जनता समाजवादी पार्टीया अध्यक्ष उपेन्द्र यादवपिंसं ब्वति कयादीगु खः । म्हिगः पिथंगु विज्ञप्तिइ सरकारं ल्ह्वंगु असंवैधानिक पलाः विरुद्ध सतकय् प्रदर्शन जुइ फइगु ग्याः चिकुं यानाः प्रधानमन्त्री ओलीं निषेधाज्ञायात कडा याःगु द्वपं बियातःगु दु ।

सम्बन्धित बुखँ

LEAVE YOUR COMMENTS