मेगु वालय् विपक्षी दलतय्गु राजनीतिक परीक्षा

येँ – अन्यौल– ग्रस्त जुजुं वनाच्वंगु देय्या राजनीतिइ मेगु वालय् हानं मेगु ‘ट्विस्ट’ वइगु जूगु दु । प्रधानमन्त्री केपी ओलीं विश्वासया मत कायेगु लागिं संसदया विशेष अधिवेशन आह्वान यानादीगु दुसा प्रधानमन्त्रीया इनाप कथं राष्ट्रपति विद्योदवी भण्डारीं थ्वहे वइगु वैशाख २७ गते सोमवाः न्हिनय् १ बजे संसदया अधिवेशन सःतादीगु दु । संसद सचिवालयं वकुन्हु संसदय् उपस्थित जुइत सकलें सांसदतय्त इनाप नं यानादीगु दु ।

प्रधानमन्त्री ओलीं विश्वासया मत कायेगु लागिं संसदया अधिवेशन आह्वान यानादीवं उकिया विश्लेषण यायेगु लागिं विपक्षी राजनीतक दलतय्सं नं थवंथवय् सहलह ब्याकूगु दु । प्रधानमन्त्री ओलीं विश्वासया मत कायेगु लागिं संसदय् प्रस्ताव दर्ता यायेवं वय्कःयात विश्वासया मत बीगु लाकि मबीगु धइगु खँय् दकलय् तःधंगु संकट माओवादी केन्द्र व एमालेया हे माधव नेपाल–झलनाथ खनाल पुचःयात जुइ फइगु खँ धाःगु दु । उगु विश्वासया मतय् यदि फ्लोर क्रस यात धाःसा नेपाल–खनाल पुचःया सांसदतय्त कारवाही याये फइगु सम्भावना दु । तर उमिसं मत बिउसां नं ओलीयात बहुमत दइगु सम्भावना धाःसा म्हो जक दु ।

विपक्षी राजनीतिक दलतय्सं आः तक ओलीया विकल्प बी फयाच्वंगु मदुनि । उकिं उमिसं प्रम विरुद्ध अविश्वासया प्रस्ताव नं हये मफुनि । थज्याःगु अवस्थाय् यदि विश्वासया मत काये मफुत धाःसा वयां लिपा प्रम ओलीं संसद भंग यानाः विश्वासया मत काये फइगु अनुमान याना हःगु दु । प्रम ओलीया थ्व पलाखं आः विपक्षी दलतय्गु परीक्षा जुइगु खँ विश्लेषकतय्सं धयाहःगु दु ।

सम्बन्धित बुखँ

LEAVE YOUR COMMENTS