वतु सनाः गुथिया नीनिक्वःगु तःमुँज्या

येँ- वतु त्वाः सनाः गुथि खलःया नीनिक्वःगु तःमुँज्या वंगु शनिवाः जुल । गुथिया न्हुछेनारायण मानन्धरया सभापतित्वय् न्ह्याःगु तःमुँज्यां वय्कःया त्वाःया न्हूम्ह कजि कथं नं ल्यःगु खः ।

सहसचिव अमृत मानन्धरं लसकुस यानादीगु ज्याझ्वलय् सचिव दीपक मानन्धरं त्वाःया प्रगति विवरण न्ह्यब्वयादीगु खः । ज्याझ्वलय् गुथिया पुलांम्ह कजि यमदास साय्मि, सचिव प्रकाश मानन्धर, विजयकुमार मानन्धरं थःथःगु नुगःखँ तयादीगु खः ।
तःमुँज्यां गुथिया न्हूम्ह कजिकथं मानन्धर व प्वनाच्वंगु दुजः पदय् बैकुण्ठनारायण मानन्धरयात ल्यःगु खः ।