‘त्रास’ शीर्षकया चिबाखं कासाय् उत्कृष्ट जूपिंत सिरपाः लःल्हात

येँ (नेपालभाषा टाइम्स) – नेपालभाषाया साहित्यिक पत्रिका नःलि लय् पौया ग्वसालय् व नांजाःम्ह आख्यानार मथुरा साय् मिया परिकल्पनाय् ‘त्रास’ शीर्षकय् जूगु चिबाखं कासाया लिच्वः सार्वजनिक जूगु दु । कोरोना भाइरसया विद्यमान परिस्थितियात ध्यानय् तयाः च्यानल एस टेलिभिजनपाखें कासाया लिच्वः सार्वजनिक याःगु खः ।

कासाय् मिजंपाखे रास जोशी न्हाप लाःगु खःसा नांजाःम्ह म्येँ हालामि संजीप प्रधानं हःपाः सिरपाः त्याकादीगु खः । मिसापाखे दिव्या वज्राचार्यं उत्कृष्ट बाखं च्वमिया सिरपाः त्याादीत ताःलाःगु दुसा सुनिता मानन्धरं हःपाः सिरपाः त्याकादीगु खः । कासाय् उत्कृष्ट बाखं च्वमियात स्वद्वः तका व हःपाःयात झिंन्याद्वः तका दां लिसें हनापौ कासाया परिकल्पनाकार साय्मिं लःल्हानादीगु खः ।

पीच्याम्ह मिजं व नीन्हय् म्ह मिसापिं नापं झिंनिम्ह अप्रतियोगीकथं ब्वति कयादीगु खः । कासाय् दुहां वःगु चिबाखंयात मिजंपाखे साहित्यकार भूषणप्रसाद श्रेष्ठ व मिसापाखे बाखं च्वमि डा. रिना तुलाधरं उत्कृष्ट बाखंया ल्यज्या यानादीगु खः । ज्याझ्वलय् सिरपाः त्याकादीपिं बाखं च्वमिपिंसं थःथःगु बाखं ब्वनाः न्यंकादीगु खःसा बाखं कासाया परिकल्पनाकार साय्मि, ज्याझ्वःया कजि दर्शनवीर शाक्य, निर्णायक पुचःया निम्हं दुजःपिंलिसें नःलि साहित्यिक लय्पौया सम्पादक नरेशवीर शाक्यं थःथःगु नुगःखँ प्वंकादीगु खः ।

सम्बन्धित बुखँ

LEAVE YOUR COMMENTS