खड्गी समाज येँया उद्घोषण तालिम

येँ(नेपालभाषा टाइम्स)- नेपाल राष्ट्रिय खड्गी समाज येँ जिल्लाया ग्वसालय् छवाःयंकंया उद्घोषण तालिम शुरु जूगु दु । वंगु शनिवाः छगू ज्याझ्वःया दथुइ बागमति प्रदेश सांसद सरिता खड्गीं तालिमया उलेज्या यानादीगु खः ।

तालिमया उलेज्या यासें प्रदेश सांसद खड्गीं प्रशिक्षणया फक्व अप्वः लबः कयाः थःगु व्यक्तित्व क्षमता अभिवृद्धिया विकास यायेत प्रशिक्षार्थीतय्त इनाप यानादिल । लिसें वय्कलं थम्हं नं न्हापा उद्घोषण तालिम कयागु अनुभव कनादिसें थःत ताःगु खँ प्यम्ह मनूया न्ह्यःने तये फयेकेमाः धयादिल ।

समाजया येँ जिल्ला नायः सुभाष शाहीया सभापतित्वय् जूगु तालिम उलेज्याझ्वलय् प्रवक्ता बालकृष्ण खड्गी, तालिमया संयोजक प्रतीक खड्गीं नं थःगु नुगःखँ तयादीगु खः । संचारकःमि विराजकाजी राजोपाध्यायं प्रशिक्षण बियादीगु तालिमय् नीन्याम्ह प्रशिक्षार्थीतय्सं ब्वति कयाच्वंगु दु । ज्याझ्वलय् समाजया केन्द्रीय उपाध्यक्ष श्यामकृष्ण खड्गी, महासचिव मिलन शाहीया उपस्थिति दुगु खः । तालिम जेठ १ गतेनिसें शुरु जूगु खः ।

सम्बन्धित बुखँ

LEAVE YOUR COMMENTS