दोल्खाया नेवाःतय्त येँया भाषा प्रशिक्षण

येँ- नेपाः देय् दबूपाखें दोल्खां येँ वयाः च्वनाच्वंपिं नेवाः समुदाययात लक्षित यानाः नेपालभाषा कक्षा संचालन याःगु दु । विद्यार्थी व थीथी पेशाय् संलग्न येँय् च्वनाच्वंपिं दोल्खाया नेवाःतय्त लक्षित यानाः देय् दबूया थःगु हे ज्याकुथिइ उगु कक्षा संचालन याःगु खः ।

भाषा प्रशिक्षण उलेज्या यासें देय् दबूया मूछ्याञ्जे माइलाबाबु द्यःलां थः म्वानाच्वना धइगु प्रमाण हे संस्कृति खः धासें प्रशिक्षण नेवाः भाय् सयेकेगु नापं संस्कृति नं थुइकेत ग्वाहालि जुइगु विश्वास प्वंकादिल ।

भाषा प्रशिक्षक कृष्ण प्रजापतिं देय्या थीथी थासय् थम्हं बियागु भाषा प्रशिक्षणया अनुभव न्यंकादिसें दोल्खाया नेवाःत येँय् हे वयाः भाषा, जाति व संस्कृति बारे सयेकेगु कुतः याःगु च्वछायेबहजू धयादिल ।