फुच्वय् तंपिं निम्हेसित प्रहरीं उद्धार यात

येँ – यलया गोदावरी नगरपालिका–३ फुच्वः डांडाय् तंपिं निम्हेसित प्रहरीं सकुशल उद्धार याःगु दु । येँया कलंकी च्वनीम्ह प्रशान्त थापा व सुरेश केसीयात प्रहरी सकुशल उद्धार याःगु खः ।

फूच्वः डांडा चाःहिउवंपिं निम्ह ल्याय्म्ह तंगु सुचं वयेधुंकाः उमित मालेत खटे जूगू प्रहरी प्रभाग बाडेगाउँया प्रहरी पुचलं उमित उद्धार याःगु खः । प्रहरीया कथं निम्हेसितं गोदावरी नगरपालिका–२ चापखर्कय् अलपत्र अवस्थाय् लुइकूगु खः । लूपिं निम्हेसितं छेँजःया लःल्हायेधुंकूगु दु ।

चिकुलाया इलय् च्वापु गाइगु जूगुलिं फुच्वय् आपालं आन्तरिक पर्यटक वनेगु यानाच्वंगु दुसा जंगलया लँ तनाः मनू हे तनेगु ज्या नं जुयाच्वंगु दु ।थ्व स्वयां न्ह्यः नं फुच्वय् आपालं आन्तरिक पर्यटक लँ दापू जुयाः तनीगु यानाच्वंगु खःसा प्रहरी व स्थानीयवासिन्दाया सक्रियताय् उद्धार यायेगु ज्या नं जुयाच्वंगु दु । प्रहरीं यात्राया झ्वलय् सचेत जुइत इनाप नं याना वयाच्वंगु दु ।

सम्बन्धित बुखँ

LEAVE YOUR COMMENTS