लक्ष्मीकुमारयात वेस्ट नेपालभाषा मोडल अवार्ड

येँ (नेपालभाषा टाइम्स)- कलाकार, निर्देशक, बाखं च्वमि लक्ष्मीकुमार महर्जन ‘उदास’ निक्वःगु सिल्भर इन्टरनेशनल म्युजिक अवार्डय् ‘वेस्ट नेपालभाषा मोडल अवार्ड’ त्याकेत ताःलाःगु दुु । मलेसियाया क्वालालाम्पुरय् प्रियसी म्युजिक प्रा.लिया ग्वसालय् आइतवाः जूगु ज्याझ्वलय् थ्व अवार्ड बिउगु खः । ज्याझ्वलय् मू पाहाँ कथं मलेसियाया निंतिं नेपाःया राजदूत दिल्लीराज पौडेलं अवार्ड लःल्हानादीगु खः ।

नेपालभाषाया म्ये ‘व मनू, सु मनू…’ म्येया म्युजिक भिडियोय् कलाकार महर्जनया उत्कृष्ट अभिनययात च्वछासें थुगु अवार्ड लःल्हाःगु खः । राजेन्द्र डंगोलं हालातःगु थ्व म्येया च्वमि व संगीतकार भुवन महर्जन खः । थ्यंमथ्यं झिंछलाः न्ह्यः मगन इन्टरनेशनलपाखें निर्देशक रजिन महर्जनया निर्देशनय् थ्व म्येँया म्युजिक भिडियो पिदंगु खः ।