टिष्टुङ धामी मन्त

येँ – टिष्टुङ धामी मधुराम महर्जन वंगु शनिवार सुथय् मंत । वय्कः टिष्टुङ धामीत्वाःया थःगु हे छेँय् मदुगु खः । मदुम्ह धामीया अन्त्यष्टी म्हिगः हे टिष्टुङ बज्रवाराही पीठया दीपय् जुल । वय्क ७१ दँ दुम्ह ख ।

पुलांगु राज्य परम्पराय् धामीयात भैरवद्यःया मनूरुपया प्रतीककथं हनातःगु दु । धामीं देय्या रक्षा व देशय् जुइफुगु विभिन्न घटनाया भविष्यबाणी याइगु आस्था व विश्वास कयातगु दु । टिष्टुङय् धामीं बनवारा, वा पूजा व छ्वो पूजा  यानाः दच्छिया स्वंगू पूजा याइगु चलन दु । थ्व राज्यस्तरं व्यवस्था यानातःगु पुजा ख । तान्त्रिक पूजा जूगुलिं थुकिया पूजाधासा आचाजुं याइ । टिष्टुङय् धामी जुयाच्वंम्ह मन्त कि मेम्हेसिके धामी खाना वइगु विश्वास दु ।