
येँ – अमेरिकन नेवाः दबूया ग्वसालय् वंगु मार्च ३० कुन्हु निक्वःगु हलिं नेवाः दिं तःजिगु ज्याझ्वःयासें हंगु दु । निक्वःगु हलिं नेवाः दिंया लसताय् जूगु विशेष ज्याझ्वःया हे दथुइ नेपालभाषाया न्हापांम्ह मिसा उपन्यासकार शशिकला मानन्धरया ‘संकल्प’ उपन्यासया अंग्रेजी अनुवादया नं चिखिफ्यनेज्या याःगु खः । दबूया नायः उदय महर्जनया लसकुस न्वचुपाखें न्ह्याःगु ज्याझ्वलय् सछिम्हं मल्याकया उपस्थिति दुगु खःसा नेपाल लिपिं च्वायतःगु ब्याच दयेकाः इनेज्या नं याःगु खः ।
ज्याझ्वलय् मूपाहांकथं झायादीम्ह शिकागो अनरी कन्सुलेट जनरल मार्भिन ब्रस्टीनं नेपालभाषा कक्षाय् ब्वनादीपिंत मतिनाया चिं लःल्हानादीगु खः ।ज्याझ्वलय् अंग्रेजी अनुवाद यानातःगु संकल्प उपन्यासया चिखिफ्यनेज्या शान्ति खरेल ब्यञ्जनकारं यानादीगु खःसा ग्वाहालि यानादीपिंत दबूया लोगो दुगु कप देछाःगु खः ।
ज्याझ्वलय् नच्चापिं मस्त आयुषा जोशी, सुजन शाही खड्गीं हुलाप्याखं न्ह्यब्वयादीगु खःसा माया ब्यञ्जनकार, अभय ब्यञ्जनकार व किरण ब्यञ्जनकारं धिमय् थानादीगु खः ।
LEAVE YOUR COMMENTS