प्रो. माणिकलाल श्रेष्ठ आइसीयुलय्

येँ – नेपालभाषाया विद्वान समालोचक प्रो. माणिकलाल श्रेष्ठ उसाँय् बांमलानाः आइसीयुलय् भर्ना याःगु दु । वय्कःयात वंगु प्यन्हु न्ह्यवनिसें यल नख्खुया मेडिसिटी अस्पतालया आईसीयुलय् भर्ना यानातःगु खः ।

वय्कःयात मंगलवाः स्वास्थ्यय् समस्या खनेदयेवं इमर्जेन्सीइ यंकाःगु व अन हे आइसीयुलय् तयेमाःगु खँ वय्कःया काय सितुलाल श्रेष्ठं कनादीगु दु । वय्कःयात जलास्येँ व नुगःस्येँय् समस्या जुयाच्वंगु खँ वय्कलं धयादीगु दु ।

आईसीयुलय् उपचार यानातःम्ह वय्कःया स्वास्थ्य स्थिर दुगु खँ नं धयादीगु दु । प्रो. श्रेष्ठ ८६ दँ दुम्ह खः ।