अमेरिकाय् आन्तरिक आतंकवादया खतरा

एजेन्सी – अमेरिकी सुरक्षा निकायतय् प्रमुखतय्सं देय् दुने आन्तरिक आतंकवादया खतरा दुगु ख्याच्वः बिउगु दु। उमिसं थ्व खतरा वंगु नोवेम्भरय् जूगु राष्ट्रपतिया निर्वाचनलिसे असन्तुष्ट पक्षपाखें दुगु खँ धाःगु दु। डिपार्टमेन्ट अफ होमल्यान्ड सेक्युरिटीं अमेरिकी संसद भवनय् जनवरी ६ य्नि र्वतमान राष्ट्रपति डोनाल्ड ट्रम्पया समर्थकतय्सं याःगु आक्रमणं छुं अतिवादीतय्त आत्मबल बिउगु अनुमान याःगु खः ।

होमल्यान्ड सेक्युरिटी बिउगु छगू सुचनाय् सरकारी निकायया ज्या पाखें निराश जूपिं मनूतय्पाखें थज्याःगु जोखिम दुगु खँ धयातःगु दु। बुधवाः पितबिउगु एडभाइजरी राष्ट्रपतिया शपथ ग्रहण जूगु छुं वाः तक थज्याःगु जोखिम दयाच्वनीगु खँ धयातःगु दु ।