न्हूगु मरु सतःया नक्सा तयार

येँ – तःभुखाचं पाःताः जुइक दुना वंगु मरुसतः हानं दयेकेगु लागिं नक्सा तयार जूगु दु । काष्ठमण्डप पुनर्निर्माण समितिं तयार याःगु उगु नक्सायात वंगु शुक्रवाः च्वंगु समितिया पूर्ण बैठकं अनुमोदन याःगु खः । आः उकियात पुरातत्व विभागं स्वीकृत यायेवं वहे अनुरुप मरुसतः पुनर्निर्माणया ज्या न्ह्याइगु खँ समितिया अध्यक्ष सांसद राजेश शाक्यं कनादिल । न्हूगु नक्सा कथं आः मरुसतः पुलांगु हे सामान व पुलांगु हे निर्माण विधि छ्यलाः दयेकीगु जूगु दु । छन्हु निन्हुं हे पुरातत्वपाखें नक्सायात स्वीकृति बीगु आशा जुयाच्वंगु दु ।