विमल घर्तीमगर व विक्रम थापाया उपचार कतारय्

येँ (नेपालभाषा टाइम्स) – घाःपाः जुयाच्वंपिं नेपाली राष्ट्रिय टोलीया फुटबल कासामित विमल घर्तीमगर व विक्रम लामाया उपचार आः कतारय् जुइगु जूगु दु ।

राष्ट्रिय टोलीया महत्वपूर्ण कासामि जुयाच्वंपिं घर्तीमगर व लामाया उपचारया निंतिं अखिल नेपाल फुटबल संघ (एन्फां) कतार फुटबल संघयात इनाप याःगु खः । कतार फुटबल संघं निम्हे सियां उपचार यानाबीगु सहमति प्वंकेवं आः उपिं निम्हेसिनं कतारय् च्वनाः उपचार याइगु जूगु दु ।

निम्हं दछि लिपा जक राष्ट्रिय टोलीं लिहां वःपिं खः । विश्वकप फुटबल छनोट कासाया निंतिं जुयाच्वंगु प्रशिक्षण लिसें छनोट धेंधेंबल्लाखय् आः थुपिं निम्हेसिनं ब्वति काये मखनीगु जूगु दु । लामायात न्हापा पुलिइ जुयाच्वंगु हे घाः लिथ्वयावःगु खःसा घर्तीमगर बन्द प्रशिक्षणया झ्वलय् घाःपाः जूगु खँ धाःगु दु ।