मेसीयात अर्जेन्टिनां मम्हितेत म्यारोडोनाया सुझाव

डिएगो म्यारोडोनां अर्जेन्टिना स्टार कासामि लियोनल मेसीयात अन्र्तराष्ट्रिय फुटबलं संन्यास कायेत सुझाव बिउगु दु । मेक्सिन क्लब डोराडोसया प्रशिक्षक जूम्ह म्यारोडोनां अर्जेन्टिना बुगू हरेक कासाया दोष मेसीयात बिइगुलि मेसीयात राष्ट्रिय टोली मवनेत धाःगु खः । म्यारोडोनां धाःगु दु ‘यदि अर्जेन्टिनाया यु १५ टिम बूसा व मेसीया गल्ती जुइ । मखुसा जुइमखु । अथे जुया जिं मेसीयात अर्जेन्टिना मम्हितेत सुझाव बिइ ।’

म्यारोडोनां अर्जेन्टिना विश्व च्याम्पियन मजूगु मेसीया दोष मखु नं धाःगु दु । रसियाय् जूगु विश्वकपय्् बांलाःगु प्रर्दशन याये मफुगुलिं मेसी आलोचित जुयाच्वंगु खः । विश्वकपय् अर्जेन्टिना प्रि–क्वाटरफाइनलय् फ्रान्स नाप बूगु खः । मेसीं विश्वकप लिपा राष्ट्रिय टिमं छुं ई मम्हितेगु धाःगु खः । मेसी अन्र्तराष्ट्रिय फुटबल करियरया बारे न्ववाःगु मदुनि । मेसी प्यक्व तक विश्वकप व प्यक्वः कोपा अमेरिका म्हितुसां अर्जेन्टिनाया निंतिं तःधंगु उपाधि त्याके फुगु मदुनि ।