बार्सिलोना निगूगु थासय् कुहांवल

भ्यालेन्सिया नाप छगू छगू गोलया बराबरी म्हितेवं बार्सिलोना ला लिगाया निगूगु थासय् कुहां वःगु दु । भ्यालेन्सियां कासाया निगूगु मिनेटय् एजेक्वील गारेया गोलं अग्रता काःगु खःसा लियोनल मेसीं कासाया २३ औं मिनेट बराबरी गोल याःगु खः । ला लिगाय् च्यागू कासा म्हितेधुंकूगु बार्सिलोनां लिपांगु प्यंगू कासा त्याकेफुगु मदुनि ।

मेखे घरेलु मैदानय् सेभिल्लां सेल्टा भिगोयात २–१ गोलं बुकाः लिगया शीर्ष थासय् वःगु दु । अथेहे एथ्लेटिको म्याड्रिड रियल बेटिसयात १—० गोलं बुकाः लिगया स्वंगूगु थासय् वःगु दुसा रियल म्याड्रिड लिगया प्यंगूगु थासय् दु । ला लिगाय् जूगु मेगु कासाय् स्पानियोलं भिल्लारियल यात ३—१ व रियल भालाडोलिडं हुएस्कायात १—० गोलं बुकूगु दु ।