किपू व चन्द्रागिरिया सिमाना क्वःछित

येँ (नेपालभाषा टाइम्स) – येँय् नं दक्षिण व पूर्वी भेगय् लाःगु निगू स्थानीय निकाय किपू नगरपालिका व चन्द्रागिरि नगरपालिकाया सिमाना निक्र्याैल जूगु दु । ताःई न्ह्यवंनिसें थुपिं निगू नगरपालिकाया सिमाना क्वःछी मफया समस्या जुयाच्वंगु खः ।

वंगु शनिवाः निगुलिं नगरपालिकाया उपप्रमुखया नेतृत्वय् जूगु स्थलगत निरीक्षण लिपा किपू व चन्द्रागिरि नगरपालिकाया सिमाना क्वःछीगु ज्या जूगु खः । स्थलगत निरीक्षण लिपा किपू नगरपालिका वडा नं ४ व चन्द्रागिरि नगरपालिका वडा नं ९लय् सिमाना क्वःछीगु ज्या जूगु खः । नगर उपप्रमुखया नेतृत्वय् सिमाना क्वःछिउगु निगुलिं वडाया वडाअध्यक्ष सहितया निरीक्षण पुचलं सिमा लागा क्वःछीगु ज्या याःगु खः ।

निगू नगरपालिकाया सिमाना क्वःछीगु निंतिं किपू नगरपालिकापाखें उपप्रमुख सरस्वति खड्का, वडा नं. ४या वडाअध्यक्ष राजेन्द्र बानियांलिसें प्राविधिक सुरज ओझा व रोजिना श्रेष्ठ अथे हे चन्द्रागिरि नगरपालिका उपप्रमुख लिसा नकःमि, वडा नं. ९या वडाअध्यक्ष देवेन्द्र महर्जन, वडासदस्यपिं नापं न्यायीक समितिया दुजःपिनिगु सहभागिता दुगु खः ।

निगू नगरपालिकाया सिमाना क्वःछीधुंकाःआः थप प्रक्रिया पूवंकेत सम्बन्धित निकाययात जानकारी बीगु तयारी जुयाच्वंगु खँ सीदुगु दु ।

सम्बन्धित बुखँ

LEAVE YOUR COMMENTS