थप २५०म्हेसित कोरोना संक्रमण

येँ – नेपालय् थप २ सय ५०म्हेसित कोरोनाया संक्रमण जूगु दु । स्वास्थ्य तथा जनसंख्या मन्त्रालयया कथं वंगु नीप्यघौया दुने २ सय ३०म्ह मिजंत व २०म्ह मिसातय्त कोरोनाया संक्रमण जूगु दु । थ्व नापं नेपालय् कोरोना संक्रमण जूपिं ४ हजार ६ सय १४म्हेसित संक्रमण जूगु दु ।

प्रादेशिक विवरण कथं प्रदेश १य् ३ सय ७म्ह, प्रदेश २लय् १ हजार ६ सय ६१म्ह, बागमति प्रदेशय् १ सय ४७म्ह व गण्डकी प्रदेशय् १ सय ४७म्हेसित संत्रमण जुइधुंकूगु दु । अथेहे प्रदेश ५य् १ हजार ३ सय ९९म्ह, कर्णाली प्रदेशय् ७ सय ५९म्ह व सूदुरपश्चिम प्रदेशय् १ सय ९२म्हेसित संक्रमण जुइधुंकूगु दु ।

अथेहे १ सय ८७म्ह मनूत अस्पतालं डिस्चार्ज जूगु दु । वंगु नीप्यघौया दुने १ सय ७९म्ह मिजंत व ८म्ह मिसात कोरोनामुक्त जूगु खः । आः तक ८ सय ६१म्ह मनूत कोरानामुक्त जुयाः अस्पतालं डिस्चार्ज जुइधुंकूगु दु ।