थप ६७१म्हेसित कोरोना संक्रमण, येँय् २म्ह, यलय् १म्ह व ख्वपय् ३म्ह

येँ – स्वनिलय् थप ६म्ह सहित देय्न्यंक ६ सय ७१म्हेसित कोरोनाया संक्रमण जूगु दु । राष्ट्रिय जनस्वास्थ्य प्रयोगशाला टेकुइ याःगु परीक्षणय् येँया मिंज व मिस १म्ह–१म्ह, ख्वपया १म्ह मिसा व २म्ह मिजं नापं ख्वपया १म्हेसित संक्रमणया पुष्टि जूगु दु ।

स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं नेपालय् कोरोना संक्रमण जूपिनि ल्याः ७ हजार ८ सय ४८म्ह थ्यंगु दु । उकी मध्ये ६ सय १९म्ह मिसात खःसा ७ हजार २ सय २९म्ह मिजंत खः ।

वंगु नीप्यघौया दुने नेपालय् थप छगू जिल्लाय् संक्रमण खनेवं आः संक्रमित जिल्लात ७४ गू थ्यंगु दु । वंगु नीप्घाैया दुने १९म्ह मनूत कोरोनामुक्त जूगु दु । थ्व नापं नेपालय् १ हजार १ सय ८६म्ह मनूत कोरोनामुक्त जुयाः अस्पतालं डिस्चार्ज जूगु दु ।