विल्लव कार्यकर्ता ज्वन

येँ (नेपालभाषा टाइम्स) – नेत्रविक्रम चन्द ‘विप्लव’ पुचःया नामं येँय् धम्की बियाः चन्दा फ्वंपिं प्यम्हेसित प्रहरीं ज्वंगु दु । महानगरीय अपराध महाशाखां उमित ज्वंगु खः । ज्वंपिं विन्तोष सिलवाल, रामदल श्रेष्ठ (अटल), तीर्थमान तामाङ व नन्दुराज आचार्य जूगु खँ प्रहरीं धाःगु दु। प्रहरीया कथं आचार्य कानुन व्यवसायी खः । उगु पुचलं कन्सल्टेन्सी सञ्चालकयाके ३ करोड चन्दा फ्वंगु खँ महानगरीय महाशाखां धाःगु दु । रामेछाप छेँय्दु म्ह रामदल श्रेष्ठ विप्लव पुचःया पुलांम्ह जिल्ला सेक्रेटरी जूगु व थौंकन्हय् थम्हं विप्लव पुचः त्याग यायेधुनागु खँ धाःगु दु । कानुन व्यवसायी आचार्ययात उमिसं ३ करोड तका चन्दा मबिल धाःसा निन्हुया दुने कन्सल्टेन्सीयात सिधयेका बीगु धम्की बिउगु खँ प्रहरी धाःगु दु । ज्वंपिंत स्वन्हुया म्याद थप यानाः थप अनुसन्धान जुयाच्वंगु खँ प्रहरी धाःगु दु ।