च्वमि वज्राचार्यया ह्यांगु नांचाया जला पिदन
- नेपालभाषा टाइम्स
- ११४२ कछलाथ्व चौथी
- किपा-सुगत रत्न सिन्दुराकार
यल (नेपालभाषा टाइम्स) – साहित्यकार नापं नेपालभाषाया च्वमि वंशीधर वज्राचार्यया चीन भ्रमणया अनुभवयात मुनाः च्वयादीगु सफू ‘ह्यांगु नांचाया जला’ पिदंगु दु । उगु सफू कोरोना भाइरस संक्रमणया जोखिमयात ध्यानय् तयाः सामाजिक संजाल फेसबुकपाखें सार्वजनिक याःगु खः ।
अरनिको समाजया ग्वसालय् नेपाःया पत्रकार व साहित्यकारपिंत चीनया जला भ्रमण याकूगु ईया अनुभवयात मुनाः वय्कलं सफू पिथनादीगु खः । चीन भ्रमणया अनया थीथी व्यक्तित्वया दथुइ जूगु गोष्ठि, सेमिनार, अन्तरक्रियाया व सहलहलिसें चीनया ऐतिहासिक, सांस्कृतिक सम्पदा, चिनिया वस्ती, अनया परम्परागत औद्योगिक क्षेत्र चाःहिलेगु झ्वलय् थम्हं खंगु व अनुभूति याःगु खँयात सफुतिइ दुथ्याकातःगु दु ।
चिनिया जनजीवनया अनुभूतियात थःगु यात्रा संस्मरणकथं सफूया आकार बियागु च्वमि वज्राचार्यं कनादीगु दु । उगु सफुतिइ चीनया भौगोलिक, राजनीतिक, सांस्कृतिकनापं अनया भाषिक पक्षयात कयाः नं न्ह्यब्वयेगु कुतः यानागु च्वमिं धयादीगु दु ।
LEAVE YOUR COMMENTS