न्यय्च्याक्वःगु विराट सम्मेलन तलेजु ब्यान्क्वेटय्

ख्वप – विराट गुथिया ग्वसालय् थुगुसीया विराट नेपालभाषा साहित्य सम्मेलन टुरिजम मार्केटया तलेजु ब्यान्क्वेटय जुइगु जूगु दु । थुगुसी न्यय्च्याक्वःखुसी जू वनाच्वंगु विराट सम्मेलन वइगु असोज २३ गते विहीवाःकुन्हु जुइ ।

थुगुसी जुइगु विराट नेपालभाषा साहित्य सम्मेलनया उलेज्या मूपाहां डा. योगेन्द्र प्रधानं यानादीगु जूगु दुसा ज्याझ्वलय् एम.ए. तगिमय् नेपालभाषा विषयय् उत्कृष्ट ल्याः हयादीम्ह पाटन संयुक्त क्याम्पसया राकेश महर्जनयात विराट सुरत्न सिरपाः व एसइइ परीक्षाय् नेपालभाषा विषयय उत्कृष्ट ल्याः हयादीम्ह जगतसुन्दर ब्वनेकुथिया सुकुन्दा श्रेष्ठयात नेपालभाषा पदक नं लःल्हाइगु ज्याझ्वः दु ।

थुगुसीया विराट सम्मेलनय् मूवक्ताकथं साहित्यकार डा. पुष्पराज राजकर्णिकारं ‘थौंया नेवाः आन्दोलन’या विषययात कयाः थःगु मू न्वचु तयादीगु ज्याझ्वः दुसा उगु हे ज्याझ्वलय् विराटं गुथिं पिथना वयाच्वंगु ख्वाःपौ ‘ह्याउँबाला’या २७ औं अकंया नं पितब्वज्या नं याइगु जूगु दु ।

‘जातीय स्वतन्त्रतायात क्वत्यलाः राष्ट्रया उत्थान जुइ फइमखु’ धइगु नारा बियाः विराट गुथिं वंगु न्यय्च्यादँ न्ह्यवंनिसें मदिक्क मोहनिया इलय् थुकथंया साहित्यिक ज्याझ्वः याना वयाच्वंगु दु ।

सम्बन्धित बुखँ

LEAVE YOUR COMMENTS