प्यम्ह मिसा साहित्यकारया अनुवाद श्रृंखला सफू पिदन
येँ(नेपालभाषा टाइम्स)/नेपालभाषा साहित्यया नांजाःपिं प्यम्ह मिसा साहित्यकारया खुगू सफू पिदंगु दु । नेपालभाषा साहित्यय् गद्य कविताया न्ह्यलुवालिसें निबन्धकार मदुम्ह कवि पूर्ण वैद्यया प्यदँया पुण्यतिथि लाकाः वय्कःया प्यम्ह शिष्यया सफू पिदंगु खः ।
वंगु शनिवाः थनया भृकुटीमण्डपस्थित बुद्ध विहारय् अनुवाद श़ृंखला सफू पितब्वज्याया नामं उगु ज्याझ्वः जूगु खः । ज्याझ्लय् मदुम्ह कवि वैद्यया शिष्यपिं मोतिलक्ष्मी शाक्यया ‘जिं खनाथें लगंत्वाः व लगंत्वाःया ल्हासा नेवाः’ (अंग्रेजी भासंं), ‘श्रद्धाया स्वा’ (च्वसु मुना), मनदेवी ताम्राकारया ‘छेँ दुने’ बाखं सफू ९क्ष्लकष्मभ तजभ ज्यmभ० (अंगे्रजी भासं), ‘मनदेवी ताम्राकारका कथाहरू’ (नेपाली भासं अनुदित), नांजाःम्ह कवयित्री प्रतिसरा साय्मिया सफू ‘कुलां थीगु कुतलय्’ ९त्यधबचमक तजभ ज्यचष्शयल० न्हूगु पुलांगु ल्यया चिनाखँ मुना नेपालभाषा व अंग्रेजी भासं व जानकी रघुवंशीया ‘ह्यूपाः/परिवर्तन नेपालभाषा व नेपाली भासं पिथंगु खः ।
नांजाःम्ह वरिष्ठ साहित्यकारलिसें शिक्षाविद् हितकरवीर सिंह कंसकारया सभापतित्वय् बुद्ध विहारया प्रमुख भिक्षु कोण्डन्य महास्थविरया प्रमुख आतिथ्यताय् जूगु खः । ज्याझ्वलय् विशेष पाहांकथं झायादीम्ह वरिष्ठ कवि डा. योगेन्द्र प्रधान, ख्यालिजुजु मदनकृष्ण श्रेष्ठ, पाहांकथं झायादीम्ह विराट गुथिया न्वकु कृष्णभक्त बोडे, वरिष्ठ समालोचक पूर्ण ताम्राकार, मदुम्ह कवि वैद्यया जहान मिरा शाक्य वैद्य लगायतं नुगःखँ तयादीगु खः ।
अथे हे पिदंग सफू अनुवाद यानादीपिं कवि नारद वज्राचार्य, कवयित्री रजनी मिला, संचारकःमि सिल्भिया श्रेष्ठ राजोपाध्यायं नं नुगःखँ तयादीगु ख । पितब्वज्या जूगु सफूया द्यबः किपा रीता मानन्धर व दिनेश मानन्धरं च्वयादीगु खःसा डा. अभि सुबेदी, डा.सरोज धिताल, कवि पुष्परत्न तुलाधर, कवि श्रीराम श्रेष्ठ, अणुराज जोशी, च्वमि साहित्यकार आर मानन्धर, साहित्यकार ईश्वरीमैँया श्रेष्ठं अनुवाद यानादीगु खः ।
ज्याझ्वलय् सफू अनुवाद यानादीपिं नापं सफूतिइ स्केच व किपा बियादीपिं रविन साय्मि, उदेन न्हूसाय्मि,दिव्या ताम्राकार, एरिना ताम्राकार व आशा डंगोलयात पितब्वज्या जूगु सफू लःल्हाःगु खः ।
मदुम्ह कवि वैद्यया जहान मीर शाक्यं ग्वसाः ग्वयादीगु ज्याझ्वलय् मोतिलक्ष्मी शाक्यं लसकुस यानादीगु खःसा जानकी रघुवंशीं सुभाय् देछानादीगु खः ।
LEAVE YOUR COMMENTS