देव बहादुर डंगोल

श्रद्धाञ्जली कविता

• लोककवि राजभाइ जकःमि

समाजसेवी देव बहादुर
खोना देय्या गौरव-थां
वैगु सुमंगल ज्ञान लुमंकाः
वैत देछाय् श्रद्धाञ्जली–स्वां ।

जितापुर गन्ध-कुटी विहारय्
वुद्ध धर्म स्वां प्यूम्ह व खः
हिचःति हाय्काः ब्वनेवmुथि चाय्काः
ज्ञान इताः मत ब्यूम्ह व खः
जागृति थन वं उगु बखतय् हे
किसान संघय् दुहां वनाः
समाजसेवी देव बहादुर
खोना देय्या गौरव थां ।

भिंकाः वन वं पुलां सम्पदा
भिंम्ह राष्ट्र-सेवक धाय्काः
मद्दिक धर्म लँपुइ न्ह्याः वन व
नुगलं करुणा लः हाय्काः
भिंप्याखं तक न्ह्यब्वयाः वन वं
पुर्खाया पुरुषार्थ ल्ह्वनाः
समाजसेवी देव बहादुर
खोना देय्या गौरव थां ।

मांभाय्, तजिलजि झःझः धाय्कल
सिकाली द्यःया भक्त जुयाः
जाति, समाज व देश च्वन्ह्याकल
पलाःपतिं थः चुत्तु चुलाः
नेपाल–क्यबय् जुगजुगतक व
स्वां थें नस्वाः वै च्वनेमा
समाजसेवी देव बहादुर
खोना देय्या गौरव-थां ।

नेपालभाषा टाइम्स

च्वमिया मेमेगु

• येँ महानगरपालिकां ‘त्वाः त्वालय् संकिपा महोत्सव’ संचालन याइगु
• नेवाःतय् निगू संस्कृति अभौतिक सम्पदा धलखय्
• महानगर दुने सार्वजनिक थासय् फ्वने गुलिइ पूर्ण निषेध
• यलया पद्मवर्ण विहारय् सप्तविधानुत्तर पुजा
• मानन्धर संघया तःमुँज्या क्वचाल