न्हय्दँ दुम्ह मिसामचा बलात्कृत

येँ (नेपालभाषा टाइम्स) – येँया गोठाटारय् न्हय्दँ दुम्ह मिसा मचा बलात्कृत जूगु दु । घटनाया बारे जानकारी वयेवं महानगरीय प्रहरी प्रभाव काँडाघारीं खटे जूपिं प्रहरी पुचलं धादिबया ५२ दँया चक्रे तामाङयात ज्वंगु दु । प्रहरीया कथं पीडितं जबर्जस्ती करणी जूगु जानकारी बीवं प्रहरीं तामाङयात ज्वंगु खः । तामाङयात कयाः थप अनुसन्धान जुयाच्वंगु व पीडित मचाया मंगलवाः हे थापाथली च्वंगु प्रसुति गृहय् स्वास्थ्य परीक्षण यायेगु ज्या जुइधुंकूगु दु । मिसा मचायात क्वथाय् सःताः बलात्कार याःगु खँ धाःगु दु ।