कोरोना संक्रमितत प्यंगू करोड थ्यनीन

एजेन्सी – विश्वय् कोरोना भाइरस संक्रमिततय् ल्याः थ्यंमथ्यं प्यंगू करोड थ्यंगु दु । जोन्स हप्किन्स विश्वविद्यालयं आइतवाः बिउगु लिपांगु तथ्यांक कथं विश्वन्यंकं स्वंगू करोड ९५ लाख २ हजार ९०९ म्हे सित कोरोना संक्रमित जुइधुंकूगु दु । अथेहे कोरो ना संक्रमणया कारणं विश्वन्यंकं यानाः ११ लाख ६ हजार ७०५ म्हेसिया ज्यान वनेधुंकूगु दुसा मुक्कं संक्रमित मध्ये निगू करोड ७१ लाख ४८ हजार ९२७ म्ह धाःसा कोरोना मुक्त जुइधुंकूगु दु ।

कोरोना संक्रमणं दकलय् प्रभावित याःगु देश मध्ये अमेरिका आः नं न्ह्यःने लानाच्वंगु दु । अमेरिकाय् जक ८० लाख ८६ हजार ७८० म्हेसित आइतवाःतकया दुने संक्रमण खनेदयेधुंकूगु दु । अथेहे कोरोना संक्रमणया कारणं दकलय् अप्वः ज्यान वंगु घटना नं अमेरिकाय् हे जूगु दु ।

जोन हप्किन्स विश्वविद्यालयया कथं अमेरिकाय् जक कोरोनाया कारणं २ लाख १८ हजार ८० म्हेसिया ज्यान वनेधुंकूगु दु । अथेहे कोरोना संक्रमण जूपिनि ल्याखय् भारत व ब्राजिल छसिकथं निगूगु व स्वंगूगु थासय् लानाच्वंगु दु । भारतय् आःतक ७४ लाख ३२ हजार ६८० म्हेसित कोरोना संक्रमण पुष्टि जुइधुंकूगु दुसा ब्राजिलय् ५२ लाख ३०० म्हेसित संक्रमण पुष्टि जुइधुंकूगु दु । अथेहे रुसय् १३ लाख ७६ हजार २० म्हेसित संक्रमण जूगु दु ।