कृष्णगोपाल शहरी विकास मन्त्री

येँ (नेपालभाषा टाइम्स) – प्रधानमन्त्री केपी ओलीया मन्त्रिमण्डलय् न्हापांखुसी नेवाः मन्त्री दुथ्याःगु दु। थौं प्रधानमन्त्री ओलीं पुनर्गठन याःगु याःगु मन्त्रिमण्डलय् कृष्णगोपाल श्रेष्ठयात शहरी विकास मन्त्री नियुक्त याःगु दुसा लीलानाथ श्रेष्ठयात महिला, बालबालिका तथा सामाजिक विकास मन्त्री नियुक्त याःगु दु ।

अथेहे नेकपाया महासचिव व पुलांम्ह अर्थमन्त्री विष्णु पौडेलयात अर्थमन्त्री नियुक्त याःगु दु। न्हूगु मन्त्रिमण्डलय् ईश्वर पोखरेलया प्रधानमन्त्री तथा मन्त्रिपरिषद् कार्यालय व पार्वत गुरुङयात सूचना तथा सञ्चार प्रविधि मन्त्रालयया जिम्मेवारी बिउगु दु। प्रधानमन्त्री ओलीं पोखरेलयात रक्षां चिइकाः रक्षाया जिम्मेवारी थःम्हं काःगु खः । अथेहे गुरुङ न्हापा महिला, बालबालिका तथा सामाजिक विकास मन्त्री जुयाच्वनादीम्ह खः ।