
येँ (नेपालभाषा टाइम्स)- माओवादीया स्थायी समितिया बैठकय् संघीयता व गणतन्त्र विरुद्ध न्ववाःपिं मन्त्रीतय्त बर्खास्त यायेमाःगु माग जूगु दु । बैठकय् संघीयता विरुद्ध न्ववाःपिं मन्त्रीतय्त बर्खास्त यायेत प्रधानमन्त्री पुष्पकमल दाहालयात माग याःगु खः ।
वर्तमान संविधान कथं मन्त्री जूपिंसं आःया व्यवस्था ल्यंकेमाःय् अःखतं व्यवस्था विरुद्ध दनेगु धइगु गम्भीर खँ खः अज्याःपिं मन्त्रीतय्त कारबाही यायेमाःगु माग जूगु खः ।
राप्रपाया अध्यक्ष लिसें उपप्रधान व ऊर्जामन्त्री राजेन्द्र लिङ्देन व कानुनमन्त्री ध्रुवबहादुर प्रधानं संघीयता विरुद्ध अभिव्यक्ति बिउगु खः । प्रधानमन्त्री दाहालं थ्व स्वयां न्ह्यः संघीयता विरुद्ध अभिव्यक्ति बीपिं मन्त्रीतय्त स्पष्टीकरण न्यनेगु ख्याच्वः बियादीधुंकूगु दु । मन्त्रीतय्सं हे छगूयां लिपा मेगु व्यवस्था विरुद्ध खँ ल्हायेगु यानाच्वंगु धासें अज्याःपिं मन्त्रीतय्त कारबाही यायेमाःगु खँ पिहां वःगु खः ।
LEAVE YOUR COMMENTS