हेटौंडाय् मानन्धर संघया सांस्कृतिक ज्याझ्वः
येँ (नेपालभाषा टाइम्स)÷ केन्द्रीय मानन्धर संघया ग्वसालय् हेटौंडाया तःजिगु सांस्कृतिक ज्याझ्वः जूगु दु । येँ महानगरपालिकाया ग्वाहालि, संघया ल्याय्म्ह व सञ्चार उपसमितिया संयोजन व हेटौडाया मानन्धर गुथितय् सहकार्यय् ज्याझ्वः जूगु खः ।
ज्याझ्वलय् न्ववानादिसें मूपाहाँ बागमति प्रदेशया कृषि तथा पशुपंछी विकास मन्त्री राजेन्द्रमान श्रेष्ठं जाति, भाय् व संस्कृति देय्या हे सम्पत्ति जूगु थुकिया संरक्षण व प्रवद्र्धनया निंतिं सकलें गम्भीर जुइमाःगु खँ धयादिल । थ्व झ्वलय् वय्कलं नेवाः भाय्, नेवाः संस्कृति व नेपाल संबत् नेपाःया गौरव खः धासें थुकियात न्हियान्हिथं छ्यलाबुला यायेमाःगु बिचाः तयादिल ।
अथेहे बागमति प्रदेशया एकलाल श्रेष्ठं बागमति प्रदेशय् नेवाः व तामाङ भाय्यात सरकारी ज्याखँया भाय् दयेकेधुंकूगु न्ह्यथँसें नेवाः भाय्, संस्कृति संरक्षण यायेत सरकार, नेवाः समुदा व संघसंस्थातय् छप्पँ जुयाः न्ह्याःवनेमाःगु खँ धयादिल ।
अथेहे प्रदेश सांसद शैलेन्द्र बज्राचार्यं संघीताया बारे नकारात्मक धापू न्यंकाच्वंगु खँ न्ह्यथँसें राजनीतिक, भाषिक, सांस्कृतिक अधिकार कायेत संघीयताया महत्वपूर्ण भूमिका दइगु खँ धयादिल । ज्याझ्वलय् नेपालभाषाया थीथी म्येँ, हुलाप्याखं लिसें धिमे, धाः, बाँसुरी बय्, नाय्खिं बाजं थानाः न्ह्यब्वःगु खः । ज्याझ्वः न्ह्यः हेटौंडाया बुद्ध चोकं छगू सांस्कृतिक ¥याली नं न्ह्याःगु खः । मानन्धरं संघं आः बिरगञ्ज व बाराय् नं थथे हे सांस्कृतिक ज्याझ्वः यायेत्यंगु दु ।
LEAVE YOUR COMMENTS