ने. सं. ११४३ चौलाथ्व पारू -

न्हूगु पाठय्क्रमबारे अभिमुखीकरण यायेत माग

येँ (रासस) – नेपाल शिक्षक महासंघं कक्षा ११ व १२ या न्हूगु पाठ्यक्रम लागू याये न्ह्यः शिक्षकतय्त अभिमुखीकरण यायेत माग याःगु दु। २७ औं विश्व शिक्षक दिवसया झ्वलय् शिक्षा पत्रकार समाजलिसे म्हिगः याःगु भर्चुअल सहलहय् महासंघया राष्ट्रिय अध्यक्ष बाबुराम थापां थःपिं न्हूगु पाठ्यक्रम जुइमाः धयागु पक्षय् दुसां थुकिया निंतिं शिक्षकतय्त तयारी मयाकल धाःसा सही ढंगं कार्यान्वयन मजुइगु खँ धयादीगु ।