विदेशय् च्वंपिं नेपाःमिपिंके संक्रमण अप्वल

येँ (नेपालभाषा टाइम्स) – विश्वया आपालं देशय् कोरोनाया कारणं निगूगु चरणया लकडाउन शुरु जूगु दु । विश्वया आपालं देशय् निगूगु चरणया लकडाउनलिसें पिने च्वनाच्वंपिं नेपाःमित नं अप्वः संक्रमित जुया वःगु दु । लिपांगु छवाःया दुने जक विदेशय् च्वनाच्वंपिं ९७० म्ह स्वयां अप्वः नेपाःमि कोरोना संक्रमित जूगु दु । थुकीमध्ये दकलय् अप्वः रोमानियाय् च्वंपिं संक्रमित जूगु दु । थन जक छवाःया दुने प्यसःत्या स्वयां अप्वः नेपाःमि संक्रमित जूगु दु । थ्व बाहेकं पोल्याण्ड, स्पेन, कतार, क्यानाडा, भारत, बेलायतय् च्वनच्वंपिं नेपाःमित नं अप्वः संक्रमित जूगु दु। विदेशय् च्वंपिं अप्वःथें नेपाःमित संक्रमित जूसां आतक सुयागुं मृत्यु जूगु धाःसा मदुनि ।