इजरायललिसे सम्झौता

येँ (नेपालभाषा टाइम्स) – नेपाःया श्रमिकत यंकाः ज्या याकेगु बारे नेपालं इजरायललिसे नं श्रम सम्झौता याइगु जूगु दु। नेपाःया श्रमिकत खास यानाः अनया नर्सिङ क्षेत्र (अस्पताल, नर्सिङ होम, दिवा सेवा केन्द्र) य् ज्या यायेगु लागिं थ्व सम्झौता जुइत्यंगु खः । थ्व सम्झौता जुल धाःसा अन ज्या याइपिं नेपाःमि ज्यामितय्त इजरायली नागरिक सरह हे सेवा सुविधा व संरक्षण कायेखनी । थ्वहे वइगु असोज १४ गते नेपाःपाखें राजदूत डा. अन्जान शाक्य व इजरायलपाखें विदेशमन्त्री गाबी अस्खेनाजीं हस्ताक्षर यानादीगु ग्वसाः दु। सम्झौता तयार याये न्ह्यः राजदूत डा. शाक्यं इजरायलया थीथी नर्सिङ क्षेत्र निरीक्षण यासें अन ज्या यायेगु वातावरण बारे जानकारी कयादीगु खः । थ्व सम्झौताया लागिं राजदूत शाक्यं ताःई न्ह्यवंनिसें कुतः याना च्वनादीगु खः ।

नेपालभाषा टाइम्स

च्वमिया मेमेगु

• शुरु जुल त्वाः त्वालय् संकिपा महोत्सव
• मल्लया ‘सेप्टेम्बर १७’ अंग्रेजी भासं पिहां वइगु
• ख्वनाय् मुआब्जा कायेत सुचं वयेवं विरोध
• आवासीय बहाल कर ५ प्रतिशत जक
• बुँख्याः भूत