आईपिएलय् राजस्थानया विजय

शारजहा – इण्डियन प्रिमियर लिग(आईपिएल)य् राजस्थान रोयल्सं विजयी शुरुवात याःगु दु। राजस्थानं मंगलवाः जूगु कासाय् चेन्नई सुपर किंग्सयात बुकाः न्हूगु सिजनय् विजयी शुरुवात याःगु खः । कोरोना संक्रमणया कारणं न्हापांखुसी भारतं पिने जुयाच्वंगु सिजनया आइपिएलय् राजस्थानं चेन्नईयात १६ रनं बुकूगु खः । कासाय् चेन्नईं टस त्याकाः राजस्थानयात न्हापां ब्याटिबया निंतिं ब्वंगु खः ।

न्हापां ब्याटिङ यायेगु झ्वलय् राजस्थानं निर्धारित २० ओभरय् ७ विकेटया क्षतिइ २१६ रन दयेकूगु खः । राजस्थानया निंतिं सन्जु स्यामसनं ७४ रनया योगदान बिउगु खःसा कप्तान स्टेभन स्मिथं ६९ रन दयेकल । अन्तिम ओभरय् राजस्थानया जोफ्रा आर्चरं विस्फोटक ब्याटिङ यायेगु झ्वलय् ३० रन दयेकूगु खः । चेन्नईया साम कुरानं ३ विकेट काल ।

उखे २१७ रनया विजयी लक्ष्य ज्वनाः मैदानय् कुहां वःगु चेन्नई निर्धारित २० ओभरय् ६ विकेटया क्षतिइ २०० रन जक दयेकल । वयागु निंतिं फाफ डु प्लेसिसं दकलय् अप्वः ७२ रन दयेकूगु खः । थुगु सिजनया आइपिएलय् राजस्थान थःगु न्हापांगु कासाय् विजय प्राप्त यायेत सफल जूगु दुसा उखे चेन्नई न्हापांगु पराजय फःगु दु ।

सम्बन्धित बुखँ

LEAVE YOUR COMMENTS