सन्तोष लिगय् सछिगू गोल पूवंकूम्ह न्हापांम्ह कासामि
येँ- सन्तोष साहुखलः ए डिभिजन लिगय् सछिगू गोल पूवंकूम्ह न्हापांम्ह कासामि जूगु दु । च्यासल युथ क्लबं म्हिताच्वंम्ह सन्तोषं म्हिगः नेपाल पुलिस क्लब विरुद्ध जूगु कासाया १८ आंै मिनेटय् गोल यासें थःगु सछिगू गोल पूवंकूगु खः । डेढ दशक न्ह्यवनिसें लिग म्हितेगु सुरु याःम्ह सन्तोषं झिगू लि ग कासा म्हितूगु दु । अखिल नेपाल फुटबल संघ (एन्फा)या आन्तरिक विवादं इलय् ब्यलय् लिग हे मजुइगु जूगुलिं सछिगू गोल पूवंकेत सन्तोषं झिंन्यादँ पीमाःगु खः ।
ए डिभिजन लिगय् सन्तोषं वि.सं. २०६० असार १० गते थ्रीस्टारं म्हिताः संकटा विरुद्ध न्हापांगु गोल याःगु खः । डेढ दशकया झ्वलय् वं थ्रीस्टारया लिसें मनाङ मस्र्याङ्दी, एपीएफ व च्यासलपाखें म्हितूगु दु । ६० सालय् डेब्यु यायेगु झ्वलय् खुगू गोल याःगु खःसा ६१ सालय् ६ गोल, ६२ सालय् ९, ६३ सालय् ११, ६६–६७ सालय् १९, ६८ सालय् १६, ६९ सालय् १७, ७० सालय् ९ गोल याःगु खःसा थुगुसी सिजनय् न्यागू कासा म्हिताः स्वंगू गोल यायेधुंकूगु दु ।
LEAVE YOUR COMMENTS