ने. सं. ११४४ कौलाथ्व पारू - नःलास्वनेगु

साफ फुटबल आकिवं बंगलादेशय् जुइगु

येँ (नेपालभाषा टाइम्स) – साफ च्याम्पियन्सशीप फुटबल कासा आकिवं बंगलादेशय् जुइगु जूगु दु। दक्षिण एशियाली फुटबल महासंघ (साफ)या कार्यकारी समितिया सोमवाः च्वंगु भर्चुअल बैठकय् साफ च्याम्पियनशीप कासा २०७८ कात्तिक २८ निसें मंसिर ११ तक यायेगु क्वःछिउगु खः । थुगुसी हे जुइमाःगु थ्व कासा कोरोना महामारीया कारणं लिछ्यायेमाःगु खः । बैठकं साफया उमेर समूहया थीथी कासा नं यायेगु ई नं क्वःछिउगु दु ।