द्वाल्खा भाय्या बाँपीझ्यालाया अनलाइन संस्करण शुरु

येँ (नेपालभाषा टाइम्स) नेवाः भाय् या बिस्कं म्हसीका दुगु द्वाल्खा नेवाः भाय् या अनलाइन संस्करण म्हिगःनिसें शुरु जूगु दु। तः दँ न्ह्वःनिसें ‘बाँपीझ्लाया’या नामं पत्रिका पिहां वयाच्वंगु खःसा आः वयाः अनलाइन संस्करण नं शुरु जूगु दु ।

द्वाल्खा नेवाः भाय्या जर्गेना, बोलिचालिइ निरन्तरता बीगुनापं सांस्कृतिक, धार्मिक व पर्यटकीय महत्वदुगु थुगु थाय्यात जनमानसय् हयेगु व न्हना वनेत्यंगु थनया संस्कृति, भाय्या संरक्षण यायेगु ताःतुना २०५६ सालनिसेंबाँपीझ्याला पत्रिका प्रकाशनय् हःगु खः ।

बाँपीझ्याला मिडिया प्रा. लि. पाखें छापा संस्करण शुरु जूगु करिब निगू दशक लिपा bampijhyala.com या नामं अनलाइन संस्करण शुरु याःगु खः । द्वाल्खा भाय् व अनया कला, संस्कृति व संस्कार नेपाःया इतिहासय् हे बिस्कं महत्व दु ।

अनलाइन संस्करणया प्रकाशनं विश्वन्यंकं थीथी पेशा, व्यवसाय यानाच्वंपिं नेपाःमिया निंतिं दोल्खाया बारे म्हसीकेत तिबः जुइगु विश्वास प्रा. लि.या नायःलिसें सम्पादक उपेन्द्र प्रधानं प्वंकादीगु दु ।

सम्बन्धित बुखँ

LEAVE YOUR COMMENTS