पीसीआर निःशुल्क यायेत माग

येँ (नेपालभाषा टाइम्स) – सर्वोच्च अदालतं कोरोनाया पीसीआर परीक्षण निःशुल्क मयाःगु खँय् स्वास्थ्य मन्त्रालययात लिखित कारण माग याःगु दु । राष्ट्रपति, प्रधानमन्त्री, मन्त्रीतय्सं थें सर्वसाधारणं निःशुल्क पीसीआर टेष्ट याये दयेमाः धइगु माग यासें तःगु रिटय् सुनुवाई यासें अदालतं थ्व आदेश जारी याःगु खः । न्यायाधीश हरिप्रसाद फुयाँलया एकल इजलासं थ्व आदेश बिउगु खः ।

अदालतं पीसीआर परीक्षण प्रत्येक नागरिकयात निःशुल्क यायेबलय् जुइगु खर्च व व्यवस्थापन सम्भव दु, मदु ? कोभिड–१९ या परीक्षण आधारभूत स्वास्थ्य सेवाय् लाःगु सरुवा ल्वय् खः कि मखु? धइगु खँया जवाफ बीत तं सरकारयात निर्दे शन बिउगु दु ।