‘कान्तिपुर’ यात अदालतय् उपस्थित जुइत आदेश

येँ – समाचार च्वःगु खँय् सर्वोच्च अदालतं कान्तिपुर मिडिया ग्रुपयात ७२ घण्टा दुने बयान बिउ वयेत आदेश बिउगु दु ।
प्रधानन्यायाधीश गोपाल पराजुलीया जन्ममितियात कयाः कान्तिपुर पत्रिकाय् वःगु समाचारयात कयाः अधिवक्ता तोयनाथ ढुंगानां तःगु मुद्दाय् प्रधानन्यायाधीश पराजुलीया हे एकल इजलासं कान्तिपुर मिडिया ग्रुपया प्रबन्ध निर्देशक कैलाश सिरोहिया, निर्देशक स्वस्तिका सिरोहिया, प्रधान सम्पादक सुधीर शर्मा व समाचार च्वःम्ह पत्रकार कृष्ण ज्ञवालीयात अदालतय् उपस्थित जुइगु निंतिं आदेश बिउगु खः ।
थुकिया लिसें कान्तिपुर पत्रिकां आचारसंहिता पालना याः मयाः अध्ययन यानाः कानुनसम्मत कारवाही यायेत नं प्रेस काउन्सिलया नामय् अन्तरिम आदेश बिउगु दु ।