‘रअ’ प्रमुखं बाबुराम नापलाःगु चर्चा

येँ (नेपालभाषा टाइम्स) – प्रधानमन्त्री केपी ओलीयात नापलानाः चर्चाय् वःम्ह भारतीय गुप्तचर संस्था ‘रअ’ या प्रमुख सामन्तकुमार गोयलं थःगु नेपाः भ्रमणया झ्वलय् पुलांम्ह प्रधानमन्त्री लिसें जनता समाजवादी पार्टीया अध्यक्ष डा. बाबुराम भट्टराईयात समेत नापलाःगु खँ भारतीय सञ्चार माध्यमतय्सं च्वयाहःगु दु । भारतीय सञ्चार माध्यम ‘द प्रिन्ट’ य् मंगलवाः सम्पादक ज्योति मल्होत्रां च्वयाहःगु छपु च्वसुइ ‘रअ’ प्रमुख गोयलं नेपालय् डा. भट्टराईयात समेत नापलाःगु खँ उल्लेख यानातःगु दु ।

थौंकन्हय् डा. भट्टराईयात कोरोना पोजिटिभ जुल धइगु खँ पिहां वःगुलिं आः नेपालं लिहां वयेसातकि सम्भवतः गोयल नं भारतय् आइसोलेशनय्च्व नाच्वन जुइमाः धकाः नं च्वसुइ न्ह्यथनातःगु दु । नेपालय् ‘रअ’ प्रमुख गोयलं प्रधानमन्त्री ओली बाहेक मेपिं नेतातय्ना पलाःगु चर्चा जूसां उकिया पुष्टि धाःसा जुइ फुगु मदुनि ।