विश्वय् कोरोना संक्रमिततय् ल्याः स्वंगू करोड थ्यनीन

एजेन्सी – विश्वन्यंकं कोरोना भाइरसया संक्रमणं मंगलवाः तकया दुने गुंगू लाख ३२ हजारं मल्याक मनूतय् ज्यान वनेधुंकूगु खँ विश्व स्वास्थ्य संगठन (डब्ल्यूएचओं) धाःगु दु। डब्ल्यूएचओया कथं विश्वया निगू करोड ९४ लाख ४५ हजार ६८८ म्हेसित कोरोना संक्रमित जुइधुंकूगु दु। अथेहे खःसां थुपिं मध्ये निगू करोड १२ लाख ७९ हजार ८३३ म्ह धाःसा कोरोना मुक्त जुइधुंकूगु दु। आः विश्वय् ७२ लाख ३३ हजार १११ म्ह सक्रिय संक्रमितत दु । सक्रिय संक्रमितत मध्ये ६० हजार ७९८ म्हेसियाअवस्था गम्भीर दु ।

कोरोना भाइरसपाखें दकलय् अप्वः अमेरिका प्रभावित जुयाच्वंगु दु। थन ६७ लाख ४९ हजार २८९ म्हेसित कोरोना संक्रमित जुइधुंकूगु दुसा १ लाख ९९ हजार म्हेसिया ज्यान वनेधुंकूगु दु। अमेरिका धुंकाः दकलय् संक्रमितत दुगु देय् भारतजुयाच्वंगु दु। भारतय् ४९ लाख ३० हजार २३६ म्हेसित कोरोना संक्रमण जुइधुंकूगु दुसा थन ८० हजार ८०८ म्ह कोरोनाया कारणं सीधुंकूगु दु। भारत धुंकाः ब्राजिलय् दकलय् अप्वः ४३ लाख ४९ हजार ५४४ म्हेसिके संक्रमण खनेदुगु दु। थन नं १ लाख ३२ हजार ११७ म्हेसिया ज्यान वनेधुंकूगु दु ।

अथेहे रुसय् १० लाख ६८ हजार ३२० म्हेसिके कोरोना संक्रमण खनेदुगु दुसा थन १८ हजार ६३५ म्हेसिया ज्यान वनेधुंकूगु दु। रुस धुंकाः पेरुइ ७ लाख ३३ हजार ८६० म्हेसिके कोरोना संक्रमण लुइकूगु दु । थन ३० हजार ८१२ म्हेसिया ज्यान वनेधुंकूगु दु ।

सम्बन्धित बुखँ

LEAVE YOUR COMMENTS