दाहालया जहानयात भारत यंकीगु

येँ (नेपालभाषा टाइम्स) – विभाजित नेकपाया नेता पुष्पकमल दाहालया जहान सीता दाहालया स्वास्थ्यस्थिति धमाधम स्यना वनाच्वंगुलिं वय्कःयात थप वासः याकेत आः भारत यंके मालीगु खँ धाःगु दु । वय्कःयात भारत यंकल धाःसा नापं नेता दाहाल नं वने मालीगु खँ धाःगु दु । थौंकन्हय् व्यस्तताया कारणं दाहाल वने फइगु सम्भावना तसकं कम जक दुसां यदि सीतां दाहालं कर यात धाःसा वय्कः नं झाये फइगु खँ सीदुगु दु ।

वंगु छुं ई न्ह्यः स्वास्थ्य अवस्था स्यनावंगुलिं सीता दाहालयात थनया मेडिसिटी अस्पतालय् भर्ना यानातःगु दु । वय्कः पार्किन्सन थेंज्याःगु ल्वचं कयाः उसाँय् मदयाच्वंम्ह खः । थुकिया उपचार याकेगु लागिं वय्कःयात अमेरिका, थाइल्याण्ड, सिंगापुर आदि थेंज्याःगु देय्या अस्पतालय् समेत यंकाः वासः याकेधुंकूगु दु ।

सम्बन्धित बुखँ

LEAVE YOUR COMMENTS