नेपालभाषाया म्येँया अडियो च्यानल न्ह्यात
येँ (नेपालभाषा टाइम्स) – चांन्हि मदिक्क नेपालभाषाया म्ये न्यने दइगु न्हूगु अडियो च्यानल न्ह्याःगु दु । जनकवि दुर्गालाल श्रेष्ठया बुन्हिया लसताय् लाकाः वरिष्ठ म्ये हालामि जुजुकाजी रञ्जितं बिहीवाः सुकुन्दाय् मत च्याकाः उलेज्या यानादीगु खः ।
जनकवि श्रेष्ठं अनलाइनं ज्याझ्वलय् ब्वति कासें च्यानल मदिक्क न्ह्यानाच्वनेमा धकाः भिंतुनादीगु खः । येँया एएनजे स्टुडियोया सङ्गीतकःमिपिं आभाष जोशी व जीनु जोशीं बटम क्लिक यानाः च्यानलय् म्ये हायेकादीगु खः । रमेश जोशीं संयोजन यानादीगु थुगु च्यानल www.newamey.com य् चांन्हि न्ह्यागु इलय् नं न्यनेफइगु जानकारी ब्यूगु दु । थुगु च्यानल सुथांलाक्क न्ह्याकेया नितिं बिद्यासागर प्रधान (अमेरिका) व उज्ज्वल कुमार जोशीं (जर्मनीं) ग्वाहालि याना च्वनादीगु दु ।
LEAVE YOUR COMMENTS